Childhood

Isch Facebook magari decht ob und zua mol nützlich dass men sich a poor gonz tolle Gedonken mocht =)

Momentan haut jo jeder als profilbild seine lieblingsserie/helden aus dr kindheit inni.
Jedr va ins hot schun serien in seinr kindheit gschaug, und es gib so viele dass fir jedn schwar isch uane auszusuachn.jeder hot za irgend a serie gonz a ondere bindung, aus die untrschiedlichsten gründe,
weil men sich af a gonz bestimmte ort und weise wohl gfühlt hot, sich vrstonden gfühlt hot odr uanfoch lei super stork und toll!de momente werd men nia vrgessen, jo wer hot denn nit im kindergortn odr grundschual in dr pause mit di kollegn gspielt?! i bin der und der und men wor plötzlich a superheld, odr uanfoch holt gonz a tolle person!

De Serien hot men zu an zeitpunkt gschaug wo is lebn no uanfoch wor, träume no träume worn und olles meglich wor, weils ebn in die serien a meglich gwesen isch! Men konn brutal froa sein der welt aufgwochsn za sein, wenn men di kindersendungen va friar mit heint vrgleicht liegen welten drzwischen, friar worn de um längen besser!viel geeigneter fir kinder meiner meinung noch!

Heint hingegen schaug men schun mit gonz ondere augn in de welt! men isch eltr gwordn, reifer, erfohrener und sichrlich a gebeuteld va negative ereignisse de uan geprägt hobn, jo narbn hintrlossn hobn. Als kind isch men wenn men sich wea getun hot wild schreiend ummrgrennt, plärender liegengeblieben und noch 5min wor decht widr olles supi =) I will drmit sogn als kind isch men schneller und leichtr aufgstonden als erwochsener, des mog viele gründe hoben, fakt isch es lebn wor als kind unbeschwert, spass hots noch jeder ecke geben, die welt vor uan, sie wor do erobert und erkundet za werden!!

Des will nit hoasn dass men in oltr de sichtweise vrliert! Lei is lebn hot sich um 180° grad gedrahnt, prioritäten sein ondersch vrtoalt, men gib sich mit ondere sochn zafrieden, erhofft sich gonz onders fir die zukunft!

Wos bleib ins heint ibrig? Jeder va ins schaug genauso serien wia friar! wieso schaug mr se? gründe gibs heint genausoviele und untrschiedliche wia als kluans kind! die serienkulur hot sich holt brutal verändert, men schaug eigentlich foscht lei mehr serien wos za uan passn wuri mol sogn, wo men sympatien drfir hot, sich mit an charakter vrbunden fühlt odr ebn weil men guat untrholten werd.
i glab als kluans kind hot men des gschaug wos uan volle gegfolln hot weil men irgendwia gern de person gwesn war, de gschichtn erleb het, odr gern de freunde kop het!
I glab dass genau de serien, de mir heint schaugen und ins des gleiche gefühl geben wia de kinderserien ins als junge gebn hobn, gonz wichtig fir ins sein, fir inser inneres, magari no fir jedes kluane kind in ins!

Prom

"Auf den Moment worti seit i Obrschual gea, 5 Johr long honi af des hingorbeitet"

Des Zitat mecht i gern amol in Raum so stian lossn. De Aussoge stomp klorerweise va mein Bruderherz, oder a als "Bruder Hannes" bekonnt, der morgn sein Maturaball, dem bekonnten Kaisrhofball hot (Motto: "LE TOUR DU MONDE ")!
Morgen isches also soweit und es werd sich zoagn ob sich die leschten Monate horte Orbeit, Stress und mehr odr wianigr "kluane und immer-wiederkehrenden" Panikattacken sich ausgezohlt hobn! I woas wia wichtig ihm der Tog morgn isch und hoff dass er den Obend nia vrgessen werd, genauso wia er sichs ersehnt!
I glab viele wissen dass er in der Zeit monchmol a wia streng und nervig wor, obr des isch holt dr Hannes wia mr nen kennen und lieben(zumindest a bestimmter teil dr bevölkerung).
Wenn mr ins olle mol an insern eigenen Maturaball zrugerinnern werdn viele in gedonken vrsinken, positve oder negative isch egal. Es wor a brutal wichitge erfohrung de nia het gwellt missn. Es hot nit lei mi selbr verändert sondern a die gemeinschoft in dr klass, pa meiner jednfolls, no mehr gstärkt. I woas sel muas nit zwongsläufig so sein, obr i denk i konn brutal froa sein dass es pa mir so wor. Genau so a erfohrung wünsch i mr morgn firn Hannes, a positive, zufriedene, sodass er in Zukunft mit an Lächeln af sein eigenen Ball zrugblicken konn weili genau woas des isch uanr va de momente in sein lebn, va der er in zukunft gern no brutal oft drzehlen mechet! Und wos warn nit is beschte wenn er lei guates za drzehlen het?

Und wos soll des ins jetz eigentlich sogn?
Des isch uan ausschnitt aus uan lebn va a wichtiger person in mein lebn, obr a brutal wichtiger. Fir viele isches magari lei a ball, genauso wia fir viele irgend a fete lei a party isch, nit wirklich erinnerungswürdig. Obr fir irgendjemend bedeutet sie brutal viel. I denk des zeichnet untr onderm a Freundschoft aus, dass men an solche Events teilnimp im wissen dass es nit uanfoch lei a tolle erfohrung fir uan selbr, sondern a wichtiger obschnitt im lebn va an kolleg isch. Wos seinen sette obschnitte?
I wur sogn sel isch fir jeden Menschen ondersch, des konn brutal variieren. Seis a Ball, a 18. Geburtstog, a Hochzeit, dr 1. Orbeitstog bzw. dr 1. Lohn, Obschluss van Studium und vieles mehr!
Desholb wuri sogn konn jeder drzua beitrogen dass den kolleg der obend, der moment no mehr im gedächtnis bleib. drmit muani egal wia sehr men sich magari luschtig gmocht hot, gnervt gfühlt hot wos vorher wor, in den moment gilts an mensch glücklich za mochen, egal wos isch, egal wos wor odr sein werd! drfir isch men do, drfir isch Freindschoft do und de soll ins in weg zum nexten event bereitn!

Und wos erwort i mr va morgn?
Gonz uanfoch hoffentlich an extrem tollen und bärigen obend mit kollegn und freundinnen in mein lebn mit de i gern zeit vrbring =) dr gonze rescht isch morgn total nebnsächlich, morgn isches Motto uanfoch"Freundschoft"!